شعر عراقيــــ

حوار بين اب وابنه(اكيد بالدارمي)
وهذا الحوار:
الاب:ـ
يوليدي اعرف بيك عاشك واعذرك***ومن تطخ الراس من حكي احذرك
الابن:ـ
يابويه اضل للدوم عد حسن ضنك***شمعه على درب الشوك كل كلمه منك
الاب:ـ
يوليدي درب الشوك كبلك مشيته***سهله بدمع تبجي بالدم بجيته
الابن:ـ
يابويه عد عيناك بس كلي هسه***انسه الاحبها تريد وعيونك انسه
الاب:ـ
لايبني كلبي ارتاح تدلل وحب***بس اضن هم يفيد حجي المجرب
الابن:ـانه اشكر الله هواي مثلك ابو يصير***
بطيبه وكلب فرحان ينصحني ويشير
الاب:ـ
يوليدي اريدك دوم تندل طريقك***واحسبني من هاليوم بالحب صديقك

_______________________________________-
عذبني ذاك البيت من دون البيوت ... لا درج واصعد ليه لارخصه وتفوت

عذبك ذاك البيت كوم اكسر الباب ... واعمل الصعبات لعيون الاحباب

_________________________________________-

ملهوفه روحي عليك ما أدري شتريد*** مثل اليتيم الظاع ديناره بالعيد
___________________________________________

العين تذرف دمع ع الراح ماجانة *** ولو نبجي طول العمر ماينفع بجانة
__________________________________________
انهاهة وتهم بيك انهاهة وتنوح
فزت توالي اليل وتريدك الروح
_________________________________________

رف كلبي ليك اليوم يابو شعر ميش *** بحور اعبر لعيناك وانه اغرك بكيش
__________________________________________
چم سهم بالدلال يصعب عدد هن *** وجروحي دوم تزيد ياهو اليشدهن
(ج)
ياهو اليشد اجروح خويه بوكتنه *** ضايج على الأهات جي ما لفتنه
__________________________________________
مر والمراره البيك محد حواهـــا *** أو روحي اشتهت ملكاك عفيه اشكواها

الرد

روحي اشتهت ملكاك رغم المراره **** أو بجفوفك الدلال شيطفي نــاره
__________________________________________
كل الجروح تهون بس جرح الفراك *** يحمس حمس بالروح من كثر الاشواك
________________________________________-
ليش التحبه اهواي وتحسه منك

يمشي ويجافي الروح ويتخله عنك
___________________________________

بهيمة وخذاني الليل ومخاطف ذياب *** كل هذا وتعنيت يا أغلى الاحباب
لا لاتخاف الليل ومخاطف الذيب *** هاي انة ادك الروح عدهم لمتشيب
عتتني روحي عليك وأنة بجزيرة *** ماهمهة خطف ذياب شالتهة غيرة
تمشي وتجازف ليل وجمالة بالجول *** أفرض كلاك الذيب للمحب شنكول
أتعنة للتهوى لتهمك ذياب *** الظلمة كمرة تصير بغياب الاحباب

جزاكـ الله خير