سئله واجوبه تخرب من الضحك وبايخهههههههه

أسئله بايخة كلشششششششش
-----------------------------------------

اكيد اكو بحياتنا أسئلة نتعرض إلها بشكل مستمر يسألونه أهلنة.. أصدقائنا.. جيراننا.. وما ننتبه أنها أسئلة غريبة جداً وغير منطقية جداً.

إليكم بعضاً من هذه الأسئلة، مع أجوبة (تحشيشية) لها إن شاء الله تعجبكم

* * * * * * * * * * * * * * * * * * * * * * * * * * * * *

إنت نايم على الجربايه مالتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك ويگلك: 'ها عبود!! شنو نايم ؟؟'

لا والله دا ارگص وأغنّي.. بس إنت دتتخيل آني نايم

معزومين يم جماعة، ووصلتوا.. دگيتوا الباب.. يفتحلكم واحد من أهل البيت وراسا يگوللكم: 'ها..جيتوا ؟؟'

لا والله بعدنه على الطريق.. بعد نص ساعة نوصل لطويريج.. إشوية إزدحام

لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة)... تجي أمّك وإتكول: 'ها إبني.. طالع ؟؟'

لا والله يُوم.. دا أطلع للسطح.. وأعدّل الدش مال الستلايت.. بلكي تطلّعلي قناة عرعر.

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان.. يطب أبوك ويگلك: 'ها إبني.. دتقره ؟؟'

لا والله يابة.. دا أبدّل الدهن مال السيارة ودا أصلّح الكابريتر.

توّك لازم السماعة مال التلفون واتريد إتخابر صديقك وبديت إدّك بالأرقام.. تجي أختك وتسألك: ' شنو دتخابر'

لا والله.. دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله.. يگلّه للسايق: 'فارغ ؟؟'

راكب نفرات بكيّا.. إطلِّع (250)دينار وتنطيها للكدامك.. الكدامك يسألك: 'واحد عيوني ؟؟'

لا عيوني.. 20 واحد ورجعلي الباقي

إتريد تنزل من الكيّا.. تگولّه للسايق.. على اليمنة بلية زحمة.. السايق يسألك: 'شنو.. إتريد تنزل ؟؟'

لا والله .. دا أجرب حسّي... أشوفه حلو لو محلو من أحچي.

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

انتضر ردودكم وتعليقاتكم الحلوووووووووة

ههههههههههههه

» نكت جزائرية مضحكة اذا مت من الضحك ما دخلنيـ